திருஞான சம்பந்தரும், எண் கணிதமும் Thiru Gnana Sambandar Indian Year vedic astrology and Numerology

திருஞான சம்பந்தரும், எண் கணிதமும்

           திருஞான சம்பந்தரின் கோளறு திருப்பதிகம் என்பது நவக்கிரகங்களால் ஏற்படும் தீங்குகளைப் போக்க வல்லது. அதில் வருடக் கணக்கைக் குறிப்பிடும் ஒரு வரி வருகிறது:

“ஒன்பதோடு ஒன்றோடு ஏழும் பதினெட்டொடு ஆறும் உடனாய நாட்கள் அவைதாம்”. இந்த வரிகளின் பொருளை நாம் தற்போது ஆராய்வோம்.

           இந்தியாவில் சூரிய சித்தாந்தப்படி ஒரு வருடம் என்பது 360 நாட்களையோ அல்லது சூரியன் 12 ராசிகளை கடக்கும் நேரத்தையோ உள்ளடாக்கியதாகும். தற்போது இந்தியாவில் இரண்டு வகையான வருட முறை பின்பற்றப்படுகிறது.  சாந்ர மான முறையில் ஒரு மாதம் அமாவாசையில் இருந்து அடுத்த அமாவாசை வரை கணக்கிடும் முறையோ அல்லது பூர்ணிமையிலிருந்து அடுத்த பூர்ணிமை வரையோ கணக்கிடும் முறையோ இந்தியாவில் பரவலாகப் பின்பற்றப்படுகிறது.

           முதல் சாந்ர மான முறையில் வருடக் கணக்கீடு ஆந்திரா, கர்நாடகா, குஜராத், மகாராஷ்ட்ரா போன்ற மாநிலங்களிலும், இரண்டாவது சாந்ர மான முறை ஒரிசாவிலும் பின்பற்றப்படுகிறது. சூரிய மான அல்லது  Soura மான முறையில் ஒரு மாதம் என்பது சூரியன் ஒரு ராசியைக் கடக்க எடுத்துக் கொள்ளும் நேரமாகும். இதைத் தவிர சாவன நாள் என்பது ஒரு சூரிய உதயத்திலிருந்து அடுத்த சூரிய உதயம் வரையான நேரமாகும். ஒரு Soura மான வருடம் என்பது நாளடைவில் சராசரியாக (long term basis) 360 சாவன நாட்களுக்கோ அல்லது 354.367 சாந்த்ர மான நாட்களுக்கோ இணையதாகும்.

           Soura மான முறை இந்தியாவில் தமிழ் நாடு, மேற்கு வங்கம் மற்றும் அசாம் மாநிலங்களில் பின்றப்படுகிறது, அதிக மாஷம், மல மாஷம் அல்லது புருஷோத்தம மாஷம் என்பது Soura மான முறையிலான நாட்காட்டிக்கும், சாந்ர மான முறையிலான நாட்காட்டிக்கும் உள்ள சாவன நாள் வேறுபாட்டை நீக்கும் ஒரு முயற்சியேயாகும். சூரிய சித்தாந்தத்திலோ அல்லது பழைய வானியல் நூல்களிலோ ஒரு வருடத்திற்கு 360 நாட்கள் என்று குறிப்பிடப்பட்டிருக்கிறதே அன்றி 365 நாட்கள் என்று எங்கேயும் குறிப்பிடப்படவில்லை.

       மேற்கண்ட வழிமுறையினை வைத்து தற்போது ஞான சம்பந்தப் பெருமானின் வரிகளை ஆராய்வோம்:

   “ஒன்பதோடு ஒன்றொடு ஏழு பதினெட்டோடு ஆறும் உடனாகிய நாட்கள் அவைதாம்”

       ஓடு = கூட்டல் +      ஒடு = கழித்தல் -

       ஒன்றொடு ஏழு = 7 - 1 = 6;

       ஒன்பதோடு ஒன்றொடு ஏழு = 9 + 6 =15

       பதினெட்டோடு ஆறு = 18 + 6 =24

       உடனாகிய = 15*24 = 360

       அதாவது 15 நாட்களை உள்ளடக்கிய 24 சாந்ர அரை மாதங்கள்

(மேலும் குறில் ஒடு = கழித்தல் -   நெடில் ஓடு = கூட்டல் +  

குறில் நெடில் எதிர்மறையாகக் கையாண்டிருக்கும் ஞான சம்பந்தப் பெருமானின் இலக்கிய நயம் சுவைக்கத் தக்கது.) 

       இதிலிருந்து 30 திதிகளை உள்ளடக்கிய 12 மாதங்கள் அதாவது 15 திதிகளை உள்ளடக்கிய 24 சாந்ர அரை மாதங்கள் அதாவது 360 சாவன நாட்களை உள்ளடக்கிய ஒரு Soura வருடத்தினையே ஞான சம்பந்தப் பெருமான் குறிப்பிட்டிருக்கிறார் என்பது தெளிவு.

       இந்திய மரபுப்படி ஒரு வருடம் என்பது 360 சாவன நாட்கள் (சூரிய உதயத்திலிருந்து சூரிய அஸ்தமனம் வரை) என பின்பற்றப்படுவது தெளிவு.